التنبيهات

التنبيهات

0

لا توجد تنبيهات جديدة

منشورات الحساب

هل لازم اكون كويس في الرياضيات قبل تعلم البرمجة ؟

- اولا لازم تعرف ان الرياضة مش مطلوبة في جميع نواحي البرمجة.

- ثانيا "وهتكلم عن تجربتي في البرمجة" لحد الان كل المشكلات ال قابلتها في البرمجة كنت احتاج الي الرياضة واجراء العمليات الحسابية ولاكن كان على حسب نوع المشكلة التي امامي فمثلا كان معظم العمليات الرياضية في الكثير من المشاكل كانت عبارة عن : قسمة او جمع ,طرح,حساب نسبة كانت معظمها عمليات بسيطة وغير معقدة -ولاكن ده طبعا عكس ما تكون شغال في مشروع ولقيت نفسك انك هتحتاج تعمل عملية حسابية خاصة تقدر تبحث في الإنترنت عن القانون ال هتحتاجه لاجراء العملية الحسابية

اما بالنسبة لناحية تعلم الالة,تحليل البيانات, التعلم العميق, الذكاء الإصطناعي الخ... اكيد هتحتاج الرياضة وهتحتاج تكون متعمق فيها بشكل كبير جدا بس كدا ......  

تفاعل 2 شخص مع المنشورة

ابلكيشن الواتس اب حاجة جميلا جدا من ناحية المراسلة طبعا طبعا ده غير الاستوري اللي بترفعها عليه
وكمان غير انو مبني بطريقة native مش cross platform
وعشان اكون واضح ال native اقوي و من خلال كدا نلاحظ ان الواتس قوي ومش بيكون فيه مشاكل زي الفيسبوك
الفيسبوك مبني على react native وتصنف تبع ل cross platform
و ده بيفسر سبب المشاكل الكتيرة والاخطاء
وغير كدا الفيس بوك ده حاجة مزعجة جدا وتخلي اي حد يضايق ,لدرجة اني قررت اكتب اخر موضوع ع الجروب وصفحتي وهتجة لموقع كودار او تطبيق line وانصحكم بموقع كودار

ندخل في صلب الموضوع وموضوعنا عن الواتس وتصحيح شوية مفاهيم
ودول هنوضحهم في اكتر من نقطة يا عزيزي
اولا مفيش حاجة اسمها مجال الواتس
ومفيش حاجة اسمها فيروسات واتس
المهم في حاجة اسمها تشفير
لما تدخل تكلم اي حد على الواتس بتلاحظ رسالة فوق كدا موجودة ف المحادثة ان المحادثة مشفرة تمام بمعني انها بيكون فيه تشفير بيني وبينك وانا بكلمك .
والتشفير ده اسمو end to the end حاجة في منتهة الجمدان
يعني انا لما ابعتلك واقلك "اخبارك" الكلمة دي بيفهما الواتس ك اكواد كتيرة جدا عبارة عن 0 و 1 وكدا ف عشان الرسالة دي توصل بيكون بيني وبينك حاجة اسمهاالتشفير ومفتاح فك التشفير
طيب لما حد بيبدأ يبعتلك رموز غريبة ومن هنا بتلاحظ ان الجهاز هنج ولاكن بيكون ال ابلكيشن الواتس اللي هنج وده بسبب ان الرسالة اللي بعتها الواتس مش فاهم اي ده ؟ فبالتالى لما توصلك الرسائل دي ويبدأ الواتس بترجمتها بيكون مش فاهم ايه ده ؟ فيأخد وقت طويل في ترجمتها و ده بيخلي الواتس يهنج


بس كدا هو ده اللي كنت عايز اوضحة من ناحية مجال الواتس خخ
وفيروسات الواتس وليه الواتس بيهنج ,والسلام عليكم

تفاعل 2 شخص مع المنشورة

هيا ليه html
مش لغة برمجة :
اولا خليني اقلك يعني ايه html
هي لغة توصيف وهيا اللغة يفهما المستعرض مثل chrome ,firefox وغيرها ...
مثلا لو كتبت
<h1>sourcee</h1>
كدا بنصف للمستعرض الويب كيف هنظهر كلمة sourcee

........ندخل ف اجابة السؤال !
- متى تكون اللغة لغة برمجة :
لغة البرمجة بمفهومها هيا وسيلة يمكن من خلالها التحدث الى الحاسوب او تنفيذ امر نطلب منه ان ينفذه
Html لا تقوم بمخاطبة الحاسوب
بل تصف ل مترجم الخوادم كيف سيقوم بعرض شكل المخرجات للمتصفح ويطبقها
- اولا لغة البرمجة تحتوى ع اغراض وظيقية ,html لا تحتوى ع غرض وظيفي
هيا تصف البيانات
"والمتصفح يقوم بالعمل الوظيفي"
ولا تستطيع html ايضا معالجة المسائل
لا تستطيع جمع 1+1 باستخدام html حتى، لغات برمجة الويب مثل html css يعالجها مترجم الخادم قبل عرضها ف المتصفح

انك تكتب كود ب html css ومش عارف اى لغة برمجة اخرى. دا مش يخليك مبرمج

تفاعل 5 شخص مع المنشورة

الويب بيتقسم الي 3 اجزاء
اول جزء هو Surface Web او سطح الويب :

وعشان تفهم الجزء ده ركز معايا ,لما تبحث عن صفحة في الويب فكل النتائج اللي بتظهر لا تعبر عن كل صفحات الويب الموجودة علي الانترنت ولكنها بتعبر عن كل المواقع ال قدرت محركات البحث زي جوجل قدرت تخزنها ويعملها "indexing" تخزين ليها في السيرفرات عندها ,ولازم تعرف ان كل المواقع دي بتمثل نحو 10% من الويب اي حوالي 14.5 مليار صفحة وبكدا نستنتج ان يوجد 90% من الويب غير معروف لينا وال 90% دول هما الديب ويب
--------------------------------------
--------------------------------------
--------------------------------------
----------------------------------------
وكدا ننتقل للجزء الثاني من موضوعنا وهو الديب ويب :
الديب ويب Deep Web : احيانا الديب ويب لا يعبر عن المواقع ال فيها "تجارة مخدرات او قتل الخ " لانه ممكن يعبر عن صفحة عادية زي ال انت بتستخدمها الان
عشان تفهم كلامي ده لازم تعرف ان محرك بحث زي جوجل لما حب انه يخزن كل صفحات الويب الموجودة عمل حاجة اسمها "spiders" العنكبوت ده كل ال بيعمله انه بيدخل على كل صفحات الويب ويعملها تخزين ولاكن في صفحات بتطلب اشياء معينه مثل كلمة المرور واسم المستخدم وهنا لا يتسطيع تخزينها لانه مش معايا الحاجات دي ,مثل الفيسبوك والدليل على كدا انك لما تدخل لحسابك في صفحات مش بتظهر لشخص غيرك ومش من المنطقي انك لما تعمل بحث عنها تظهر ليك في محركات البحث
وكدا نعرف ان الديب ويب : هو كل الصفحات ال محركات البحث زي جوجل مقدرتش تعمل ليها تخزين عندها
--------------------------------------
ننتقل للجزء الاخير من موضوعنا وهوالدارك ويب :

الدارك ويب Dark web : بيحتوي على مواقع مبنية بطرق معينه بهدف اخفاء هوية صانع المواقع دي, الدارك ويب بمثل نحو 0.01 من الويب كله وهو اعمق مكان موجود في الويب
والجزء ده بيكون موجود عليه كل حاجه ممكن تتخيلها من تجارة اعضاء وقتل ونصب واغتصاب وكل حاجه ممكن تتخيلها
عشان تقدر تفتح المواقع دي بتحتاج لمتصفحات معينه مثل "tor او i2p" والمتصفحات دي بطوفرلك طرق حماية عشان تقدر تفتح المواقع دي ومحدش يعرف هويتك

وهنا نكون انتهي موضوعنا فيه سؤال كدا لو عرفت تجاوب عليه انزل وجاوب


السؤال : ايه هو الهدف من بناء الدارك ويب ومين اللي نفذ فكرة الدارك ويب وليه ؟

تفاعل 6 شخص مع المنشورة

طبعا المبرمجين لما يكتبوا كود لازم يتطلع ليهم اخطاء ودي حاجه لازم تقابل اي مبرمجين ...
الأخطاء البرمجية بتنقسم الي نوعين :
Static Programming Errors
دي الاخطاء ال بيقدر compiler يكتشفها من قبل ما تعمل run وانت بتكود يعني والنوع ده بينقسم الي لنوعين
Syntax Programming Errors
خطأ نحوي ف اللغة وانت بتكتب نسيت semi colon كتبت حاجه غلط في الكود
Semantic Programming Errors
حاجة قريبة من الاخطاء النحوية او لما تعمل تسلسل خطأ للكود او مثلا لما تستخدم متغير وانت مش معرفه مسبقا

النوع التاني :
2 ) Dynamic Programming Errors
و دي الاخطاء ال بتظهر بعد عملية run للكود وتنقسم برضو لنوعين
Run time Errors
وده بيظهر وقت تنفيذ البرنامج مثلا بتحاول تقراء ملف ف البرنامج وهو مش موجود حاولت انك تتصل بقاعدة بيانات انت مش معرفها ف
البرنامج بتاعك
Logical Errors
مثلا انت عملت برنامج بيستقبل رقمين من المستخدم ويقوم بجمع الرقمين على بعضهم ويطبع ليك الناتج ممكن بقا انت بدل عملية الجمع تنسي وتعملها طرح وهو البرنامج هيشتغل وكل حاجه بس بكدا مش هينفذ الوظيفة المطلوبة فلازم تخلي بالك من المدخلات بالمخرجات

تفاعل 9 شخص مع المنشورة

- ما هو ملف ال host ؟ وفيما يستخدم ؟

* هذا الملف له دور كبير في إمكانية تصفح المواقع من خلاله تستطيع حجب او فتح المواقع المختلفة
فهو عبارة عن دفتر عناوين موجود فى اي نظام تشغيل ، عند طلبك لاى موقع على الانترنت مثلا google فانك تذهب لخانة البحث ثم تكتب www.google.com هنا الحاسوب لا يفهم ماذا تقول فيقوم بالذهاب لملف host الذي به دفتر العناوين وغالبا ما يكون فارغا لعدم وجود به شئ فيذهب لدفتر العناوين الموجود بالشبكه ثم يقوم بالبحث عن ip الموقع الذي اردته ثم يعرضة لك ،
فمثلا هذا الملف يستخدمه ال هاكرز عندما يصيبك جهازك احد الفيروسات فيستخدمه ال attacker لحجب المواقع التي تجلب التحديثات لبرامج الحماية حتى لا يتم كشف الفيروس ..

- كيف يتم استخدامه :

ستذهب الي المسار التالى ف جهازك حيث ستجد ملف ال host ستقوم بفتحه بصيغة notepad
C:\Windows\System32\drivers\etc
بعدها سيفتح لك ملف ال host ولان نريد حظر الدخول الى موقع معين وليكن مثلا اي موقع
127.0.0.1 www.اسم الموقع .com
ثم نقوم بحفظ الامر واذا اردنا التراجع يمكنك عمل # امام الامر
# 127.0.0.1 www.اسم الموقع .com

تفاعل 4 شخص مع المنشورة

مجال Web developer مجال مفتوح ومش مرتبط بكلية معينة يعني مش لازم تكون في كذا علشان تتعلم المجال الجامد جدا دا ومن المجالات المطلوبة ,
وعملية تطويرالمواقع " web development " بتتقسم ل 3مراحل :

اول مرحلة هيا ال Front-end :
وفي المرحلة دي بيكون المبرمج المسؤول عن شكل الصفحة اللي هتزهر للمستخدم
بمعني اوضح انت لما بتدخل للفيس بوك اي حاجه انت بتقدر تتفاعل معاها وتشوفها بعينك بيكون المسؤول عنها هو Front end

سؤال ازاي ممكن ابدأ ف المجال دا ؟
اولا هتحتاج للغات برمجة علشان تبدأ ف مجال Front end

1- لغة html : اول لغة هتبدأ بيها وبتحط أساسات الموقع بتاعك ومحتوياته .

2- لغة CSS : هنا لو عايز تخلي شكل الموقع لطيف ويخلي المستخدم يكون ع الموقع طول الوقت خلي بالك style الموقع بيأثر جدا ومهم فلازم يكون عندك نظرة حلوة كدا علشان تقدر تختار تنسيق الموقع المناسب واللي يكون مريح للمستخدم "مهندس الديكور".

3- لغة JavaScript : عايز بقى تحط زراير في موقعك تقوم بمهمة معينة لما يضغط عليها بمعني بتعمل حاجة يقدر المستخدم يتفاعل معاها .

هل كدا يكون كافي وكدا اكون كويس جدا فال Front end للاسف لاء
في حاجات تانية لازم تتعلمها ويكون ليك خبرة فيها وكل ما كانت خبرتك اكبر كل ما هيكون شغلك احلي واحسن من غيرك

-هل هحتاج اتعلم كل حاجه ف rodmap علشان اشتغل ف مجال Front End
>لا انت هتحتاج حد ادني من التطلبات ال تقدر تخليك تشتغل
( htmlوال css وال JavaScript
) والباقي هتتعلمه وانت بتشتغل

دي roadmap لمجال ال front end
https://drive.google.com/…/1lRWQEUmQSuZaAwZ9f-TEfBsKcEhUStL…

وطبعا مش هنسي مصدر ال هتتعلم منه قناة الزيرو افضل قناة من رئي تتعلم منها ويب فعلا
https://www.youtube.com/c/ElzeroInfo/playlists

وكدا يكون الجزء الاول من الفيلم خلص ننتقل للجزء التاني
الجزء التاني من الفيلم بتعنا هو ال Back end

في المرحلة دي بيكون المبرمج مسؤول عن ربط الصفحات وتعامل مع قواعد البيانات بمعني اوضح هو الجزء اللي يتم تنفيذه وقرائته من خلال ال Server وبيكون مش ظاهر للمستخدم ولاكن بتظهر النتائج فقط

- علشان تبدا في مجال back end هتحتاج
للغة سيرفر مثل (python - ruby-php الخ)
وهتحتاج تتعلم لغة مثل SQL علشان تقدر تتعامل مع الداتا اللي في الموقع
وانك تتعلم ال version control مثل ال Git أو ال SVN

دي roadmap لمجال ال back end
https://drive.google.com/…/1UvyBz4hq6h0P5snQdVcn-xYOLVtBiWE…

وطبعا مصدر ال هتتعلم منه قناة الزيرو
https://www.youtube.com/c/ElzeroInfo/playlists

وكدا نكون خلصنا الجزء التاني من الفيلم
اخر جزء بقا 😅

وسؤال يدور في ذهنك ي صديقي وهو
-هل يمكنني ان اعمل ك front end وback end
بسم الله الرحمن الرحيم الاجابة >نعم
و بيكون تحت اسم full stack ودا المجال ال بيجمع بينهم
وعلشان تبدأ في المجال دا فأنت لازم تكون عندك المهارات الاساسية
الخاصة بكل من ال Back End وال Front End ..

--------------------------------------------------------------
كل المجالات التي تكلمنا عنها في هذا الموضوع مطلوبة في سوق العمل بكثرة

تفاعل 4 شخص مع المنشورة

موضوع اليوم اجابة عن سؤال عميق
وهو : الملفات المحذوفة بتروح فين ؟

لما بتحذف ملف او صورة او اي حاجه من ع جهازك
بيتم ارسالها ل "Recycle Bin" او بالعربي "سلة المحذوفات" ,طيب وبعد ما تحذف الملفات دي من سلة المحذوفات هل بيتم حذفها نهائيا ؟
الاجابة للاسف = لاء
بدليل : ان في برامج وتطبيقات ليها القدرة على انها تسترجع الصور والبرامج والتطبيقات والملفات المحذوفة على جهازك !

طيب انا مش فاهم !
بسيطة تعال نتكلم شوية عن "الهارد درايف "

الهارد درايف :
بيتكون من أجزاء صغيرة بنسميها ال "sectors"
وال sectors دي بيتم تخزين فيها الداتا
يعني انت نزلت صورة بيتم تخزينها ف الsectors دي
ولاكن على شكل "صفر و واحد ودي اللغة اللي بيفهمها الكمبيوتر"

يعني انت لما بتحذف حاجه من على جهازك
اه بيتم حذفها ولاكن الداتا بتعتها بتفضل مكانها "ومش بتاخد مساحة من الجهاز "
ولاكن بتكون قابلة لإعادة التخزين يعني تقدر تخزن مكانها
بيانات تانية وكدا الصورة بيتم حذفها بشكل نهائى

خلاصة الكلام ده ك
* انت نزلت صورة على جهازك
>> بيتم تخزينها في sector على شكل 0 و 1
>> وبعدين انت حذفتها "ولاكن هيا لم يتم حذفها"
ولاكن مكانها بيكون قابل لإعادة التخزين

لما تحب تبيع جهازك سواء كان موبايل او كمبيوتر
في البرامج ال shredding data بتكون قادرة على انها تحذف الملفات بشكل نهائى من على جهازك

والسلام عليكم ورحمه الله

تفاعل 4 شخص مع المنشورة